Курулуш министрлигинин алдындагы Шаар куруу жана архитектура департаментинин №3 өнөрканасынын адистери, Ысык-Көл облусунун Ак-Суу районунун Хан-Теңири айыл өкмөтүндөгү Ак-Булак, Ак-Булуң, Боз-Учук, Токтогул айылдарынын, Кыдыр-Аке айыл өкмөтүнүн Кереге-Таш, Кайырма-Арык, Пионер, Ново-Константиновка айылдарынын Башкы пландарын аткаруу боюнча кызматтык иш сапарда болушуп, айыл өкмөттүн башчылары, айыл кеңешинин депутаттары, төрагалары жана тийиштүү адистер менен жолугушуу уюштуруп, Башкы пландардын негизги өсүү багыттары боюнча талкуу кеңешмесин өткөрүштү. Башкы пландардын долбоорлору негизинен жактырылып, талкууга коюлду.
Ысык-Көл облусунун Жети-өгүз районунун Барскоон айыл өкмөтүнүн Тамга, Тосор айылдарынын айыл башчылары менен Башкы пландын долбоорлордун өсүү аянттары, нормативдик чектөөлөр боюнча маселелер каралды.
