Кыргыз Республикасынын Министрлер Кабинетине караштуу Кыргыз Республикасынын Архитектура, курулуш жана турак жай-коммуналдык чарба мамлекеттик агенттигинин Жайыл райондук шаар куруу жана архитектура башкармалыгында Шара куруу кеңеши болуп өттү.
Мамлекеттик долбоорлоо институтунун адистери — №4 өнөркананын башчысы Дастан Ураанов жана №1 өнөркананын жетектөөчү адиси Аскар Абдумаликов баяндамалар чыгышты. Тактап айтканда, Дастан тапшырыкчылар тарабынан менчик аймакта “5 кабаттуу көп квартиралуу турак үйдү” жайгаштыруу пландаштырылып жаткандыгын айтты. Аймак Кара-Балта шаарынын түштүк бөлүгүндө жайгашкан, К.Маркс көчөсү, Тынчтык проспекти, Ленин жана Бейшеналиев көчөлөрү менен чектешкен.
Курулуш долбоору менен иштелип чыккан курулуш долбоорлору менен байланыштырылган соцмаданий-тиричилик объектилери, 200 орундуу балдар бакчасы менен 5 кабаттуу турак үйлөрдү жайгаштыруу сунушталат. Ошондой эле, курулуш менен адамдардын жайлуу жашоосу үчүн зарыл болгон шарттар: балдардын жана спорт аянтчалары, эс алуу аянттары, коноктор үчүн авто унаа токтотмо жайлары каралган.
Баяндамачылар бул 5 кабаттуу көп квартиралуу турак үйдү курууда бардык курулуш ченемдерин сактоо зарылдыгын, ошондой эле ушул кварталды куруу долбоорун коомдук талкууга коюу керектигин белгилешти.
Шаар куруу кеңеши талкуулап жана пикир алмашып: бул сунушту негиз катары кабыл алууну жана жалпысынан андан ары иштеп чыгуу үчүн жактырууну чечти.
Жетектөөчү архитектор Аскар Абдумаликов Малтабар айылынын башкы планы боюнча берилген бардык материалдарды кыскача баяндап берди.
Бул долбоор жергиликтүү кеңеш тарабынан жактырылып, жергиликтүү өз алдынча башкаруу кызматтары менен макулдашуу үчүн тапшырылган.
Шаар куруу кеңеши: Малтабар айылынын башкы планын белгиленген тартипте макулдашууну чечти.